English
Монгол 
Хийгдэж байгаа ажил
» Сургалт
» Бидний тухай
» Үйлчилгээ
» Үйлчилгээ
» Үйлчилгээ
» Үйлчилгээ
» Үйлчилгээ
» Үйлчилгээ
» Бидний тухай
» Үйлчилгээ
» Сургалт
Мэдээлэл, технологийн асар хурдацтай энэ цаг үе маань бидний амьдарч буй орчинг гэрэл зургийн хүрээлэн болгон өөрчилж, гэрэл зураг хэн бүхний амьдралд улам бүр нэвтэрч, хүмүүсийн гэрэл зургийн сонирхол, уран бүтээл хийх хүсэл эрмэлзэл маш түгээмэл зүйл болжээ. Нарийн мэдрэмж, ур чадвар, гэрэл зургийн тухай өргөн мэдлэг, хүчтэй аппарат хэрэгсэл, ажлын арвин туршлага энэ бүхэн хосолж байж гэрэл зургийн сайн бүтээл төрдөг жамтай. Тиймээс бид гэрэл зургийн үүсэл хөгжил, үндсэн арга хэрэгслээс эхлээд нарийн тохиргоо бүхий техник хэрэгсэл, ажиллах зарчмын тухай энгийнээс нарийсган судалж ул суурьтай авч үзэх зайлшгүй шаардлагатай юм. Гэрэл зургийн аппарат, техник хэрэгсэл сайжран хөгжихийн хэрээр хүмүүс гэрэл зураг авах ажиллагаа нь энгийн хялбар, хэн бүхний хийж чадах зүйл мэтээр ойлгох хандлага байдаг. Олонх хүмүүс өндөр хүчин чадалтай сайн аппарат хэрэгсэл худалдаад авчихад л хэн бүхэнд гайхуулж чадах сайн зургууд аяндаа буй болчих юм шиг ойлгодог боловч гэрэл зургийн аппарат бариад гарсан үедээ л мэдэхгүй олон асуудалтай тулгарч, гацаанд ордог.
Гэрэл зураг гэдэг бол дүрслэлийн гайхамшигт урлаг, үнэ цэнэтэй оюуны бүтээл билээ. Гагцхүү гэрэл зураг л та бидэнд аливаа түүхийг чин үнэнээр өгүүлж, гэрэл сүүдэр, өнгөний гайхамшиг бүхий өвөрмөц хэлээр тантай ярилцан, таны сайн мэдэх энгийн зүйлсийг гайхамшигтай болгон харуулж, хорвоо ертөнцийн гоо сайхан хийгээд амьдралын олон талт ааш араншин өнгө төрхийг мэдрүүлж, мэдээллийн асар өндөр ач холбогдлыг агуулж чаддаг юм. Гэрэл зураг таны өөрийгөө таньж мэдэх, хөгжүүлэх гайхалтай арга хэрэгсэл, гайхалтай хобби, таныг бусдад таниулах өргөн боломж байж чадна. Амьдралдаа тохиолдсон баярт үйл явдал, гэр бүл найз нөхдөөрөө аз жаргалтай байх тэр мөчүүдэд хүмүүс өөрсдөө зураг авахыг илүү эрмэлзэж энэ нь ч гэрэл зургийг ойлгох хүмүүсийн мэдрэмжийг дээшлүүлж, үр дүнтэй гоё сайхан зураг хэрхэн бүтдэг юм болдоо гэсэн сонирхолд хөтлөн оруулдаг. Өөртөө таалагдсан сайн зураг авч чадаж байгаа хэн бүхэн өөрийнхөө мэдрэмж, ур чадварыг бусдад харуулж санал бодлоо солилцож бусадтай өөрийгөө харьцуулах өргөн боломжийг интернетийн сүлжээ бидэнд олгож байна. Гэрэл зургийн үндсэн суурь мэдлэгийг олж авсанаар бусад хүмүүсийн хийсэн бүтээлийг сайн ойлгодог болохоос гадна өөрийн хүссэн өнгө гэрэл зохиомж бүхий зургийг авч чаддаг болох юм. Энэ нь цаашид бие даан өөрийгөө хөгжүүлэх, өөрийн ертөнцийг бусдад нээн харуулах боломжийг нээх болно. Үүнд манай сургалтын зорилго оршиж байгаа юм. Манай агентлагаас гэрэл зураг сонирхогчдод зориулсан “Гэрэл зургийн ганцаарчилсан сургалт"-ыг байнга явуулж байна. Манай сургалтын онцлог нь та хүссэн үедээ өөрийн цаг заваа ашиглан гэрэл зургийн үндсэн суурь мэдлэгийг эзэмшиж, аппарат хэрэгсэлтэй харьцаж ажиллах, нарийн тохиргоонуудийг өөрийн хүссэнээр хийж, хүссэн зургаа авах дадлага чадварт суралцах юм. Төлбөр 150 000₮. Та хувьдаа М /manual/ тохиргоо хийх боломж бүхий фотоаппараттай байх шаардлагатай.
|
|
 Гэрэл зураг, хэвлэл, сурталчилгааны “Фото линк” агентлагийг 2005 онд Д.Түвшинбаяр, В.Баттулга, Э.Цэрэнбаяр нарын гэрэл зурагчид үүсгэн байгуулсан билээ. Өдгөө Фото линк агентлаг мэргэжлийн гэрэл зураг авалт, гэрэл зургийн сан бүрдүүлэлт, сурталчилгааны цогц гүйцэтгэл /PR/, бүх төрлийн хэвлэлийн дизайн, фото зургийн аялал, фото зургийн сургалт гэсэн үндсэн үйл ажиллагааг эрхлэн явуулж байна. |
|
|
Манай Фото линк агентлаг мэргэжлийн болон сонирхогч фото зурагчид, уран бүтээлчдийг хамруулсан фото аялалыг зохион байгуулж байна. Нүүдлийн соёл иргэншлийг хадгалж үлдсэн манай орны ахуй амьдрал, олон үндэстэн, ястны өнгө төрх, эрс тэс уур амьсгал, байгаль ан амьтан зэрэг нь хэн бүхэнд сонирхолтой сэдэв байж, нүд булааж, сэтгэл татсан сайхан уран бүтээл туурвих орчин нөхцөл болж чадах билээ. Бид та бүхнийг ая тухтай аялуулж, аглаг зэлүүд нутаг оронтой танилцуулахаар бүхий л боломжоо дайчлан ажиллах болно.
|
|
 • Олон нийтэд хамаарал бүхий хэвлэмэл бүтээгдэхүүний зураг, зураг авалт • Зөвхөн захиалагчид хамаарал бүхий зураг, зураг авалт • Вебсайт болон баннерын • Реклам сурталчилгааны зураг авалт • Захиалгат сурвалжлага, тэмдэглэлт арга хэмжээ, баяр ёслолын зураг авалт • Хуримын сурвалжлага • Хүүхдийн цомог бэлдэх Олон нийтэд хамаарал бүхий хэвлэмэл бүтээгдэхүүний зураг, зураг авалт Аливаа хэвлэмэл бүтээгдэхүүний зураг чимэглэл нь таны хэвлүүлсэн бүтээгдэхүүний чанар хийц, өнгө төрхөнд голлох нөлөөтэй чухал бүрэлдэхүүн хэсэг юм. Иймээс та бүхэн гэрэл зурагтай холбоотой асуудлаа мэргэжлийн агентлагт даатгах нь зөв шийдэл болно. Олон нийтэд хамаарал бүхий зургууд гэдэгт манай гэрэл зургийн санд байгаа нийгмийн амьдрал, ахуй, соёл, байгаль экологи, урлаг спорт гэх мэт хэрэгцээтэй хэн бүхэнд хамаатай сэдэв бүхий зургуудыг хамруулан ойлгох бөгөөд та бүхэн зургийн сонголт хийх, мөн мэргэжлийн зурагчид таны захиалгаар зураг авалт хийж болно.
Хэрэв та тогтмол хэвлэлийн үйл ажиллагаа эрхэлдэг бол бид таны гэрэл зургийн асуудлыг хариуцаж гэрээгээр хамтран ажиллахыг санал болгож байна. Зөвхөн захиалагчид хамаарал бүхий зураг, зураг авалт Та манай мэргэжлийн уран бүтээлчдэд хандсанаар өөрийн ажил үйлчилгээний өнгө төрх, үнэ цэнэ, онцлог давуу талыг бүрэн илэрхийлж чадах, өвөрмөц шийдэл, зохиомж бүхий сонирхолтой гэрэл зургуудтай болж чадна. Зөвхөн захиалагч хувь хүн, байгууллага, хамт олны ажил үйлчилгээ, бараа бүтээгдэхүүнд хамаарал бүхий бүхий танай байгууллагын танилцуулга, тайлан, сурталчилгаа, бүтээгдэхүүний каталог, меню зэрэгт шаардлагатай зургуудыг хамруулан ойлгох бөгөөд ихэвчлэн захиалгат зураг авалт хийгдэх юм.
Мөн зураг авалт, хэвлэлийн эх бэлтгэл, оффсет хэвлэлийн ажлуудаа багцлан бидэнтэй гэрээ байгуулж хамтран ажиллах боломжтой. Вебсайт болон баннерын зураг авалт Та өөрийн вэбсайт, цахим сурталчилгаанд зориулан манай гэрэл зургийн сангаас сонголт хийх бол бид онлайн хэлбэрээр ашиглах зургийн хэмжээг жижигрүүлэн танд харьцангуй хямд үнээр санал болгож байна. Зургууд нь тоо ширхэгээс хамаарч 1-5 ширхэг 15000, 5-аас дээш бол үнийг харилцан тохиролцох боломжтой. Хэрэв захиалгат зураг авалт хийлгэх бол зураг авалтын цар хэмжээ, зохиомж болон бэлтгэл ажил, тоо ширхэгээс хамаарч 1-ээс 5 ширхэг зураг авалт бол 25000-70000 төг, 5-с дээш бол үнийг харилцан тохиролцох боломжтой. Реклам сурталчилгааны зураг авалт Үйлдвэр үйлчилгээний газруудын сурталчилгаа болон тэдгээрийн брэнд болсон бараа бүтээгдэхүүн, шинээр зах зээлд нийлүүлж буй ажил үйлчилгээний сурталчилгааны зураг авалтыг бид дахин давтагдахгүй өнгө төрх, шилдэг санаа шийдлээр мэргэжлийн баг оролцон гүйцэтгэнэ. Захиалгат ажлын гэрээг байгуулж, талууд өөрсдийн санаа бодлыг сайтар тусгасан нарийн төлөвлөгөөний дагуу ажил гүйцэтгэлийг хийх ба шаардлагатай үед дизайнер, стилист, make up болон үсчин гоо сайхан, фото моделиуд зэрэг мэргэжлийн хүмүүсээр баг бүрдүүлж, өндөр хэмжээний бэлтгэл шаардсан зураг авалт юм. Дээр дурдсан мэргэжлийн багийн ажлын хөлс болон зураг авалтын зохиомж, бэлтгэл ажил, шаардагдах хугацаа, тоо ширхэгээс хамааруулан тухайн ажлын үнэлгээг харилцан тохиролцож гэрээгээр зохицуулна. Фото сурвалжлага, тэмдэглэлт арга хэмжээ, баяр ёслолын зураг авалт Та бүхэн нийгмийн тусын тулд явуулж буй үйл ажиллагаа, олон нийтийн сайн сайханд зориулагдсан ажил үйлчилгээ, зохион байгуулалттай арга хэмжээ, сургалт, семинар, хамт олон, албан байгууллагын түүхэн тэмдэглэлт ой, баяр ёслол зэргийг зурагжуулан авч үлдэх шаардлагатай байгаа бол бидэнд хандана уу. Манай мэргэжлийн зурагчид ямарч үйл ажиллагааг агшин хором алдалгүй өнгө гэрэл зохиомжийн өндөр түвшинд зурагжуулан өгөх ба шаардлагатай бол вэбсайтаараа дамжуулан мэдээ нийтлэл хэлбэрээр олон нийтэд сурталчилах боломжтой. Бид авагдсан бүх зургийг файл хэлбэрээр өгөх ба та хэрэгцээндээ зориулан ямарч байдлаар ашиглаж болох юм. Зураг авалтын үнийг багцалсан байдлаар бидэнтэй харилцан тохиролцож болох ба зураг авалтын цар хэмжээ, зарцуулах цаг хугацаа, ажиллах зурагчдын тоо зэргээс хамаарч өдөрт нэг хүн дунджаар 150000-300.000 төг орчим, цагаар тооцсон арга хэмжээ бол нэг цагт 30000-50000, хөдөө орон нутагт ажиллах бол өдөрт дунджаар 100000-200000 төгрөгөөр баримжаалж үнийг харилцан тохиролцох боломжтой юм. Хуримын сурвалжлага Фотолинк агентлаг нь таны амьдралд тохиох аз жаргалтай мөчүүдийг тань мөнхрүүлж нандин дурсамж болон хадгалагдах хуримын сурвалжлагын багц үйлчилгээг санал болгож байна.
Хүүхдийн цомог Хүүхдийн цомгийн зураг авалт нь таны бяцхан хүүхдийг төрөхөөс өмнө болон төрсөн цагаас нь эхлэн сард 4 хүртэл удаа гэрт болон хот дотор сонгосон газарт зураг авах байдлаар 6 сараас 1,5 жил үргэлжлэх гэрээт ажил юм. Гэрээт хугацаанд авагдсан бүх зургийг цахим хэлбэрээр бэлтгэж, 16Х22 хэмжээ бүхий 60 орчим зурагтай альбом 2 ширхэг бэлтгэж өгнө. 6 сарын зураг авалтын үнэ, 2 ширхэг альбомын хамт 500000 төг, 1 жилийн зураг авалтын үнэ, 2 ширхэг альбомын хамт 800000 төг, 1,5 жилийн зураг авалтын үнэ, 2 ширхэг альбомын хамт 1200 000 төг. Мөн та хугацааг сунгаж болно. |
|
 • Студийн зураг авалт • Гэр бүлийн зураг авалт • Хосын зураг авалт • Хүүхдийн зураг авалт • Хөрөг Студийн зураг авалт Студийн зураг авалт нь өвөрмөц гэрэлтүүлэг, өнгө зохиомжийн олон шийдэл, хувилбарыг ашиглах боломж олгож, тав тухтай найрсаг, тусгаарлагдсан орчинд зөвхөн өөрийнхөөрөө байх боломж олгодог зураг авалт юм. Студи нь зурагчинд чөлөөтэй ажиллах цаг хугацаа, хүссэн гэрэлтүүлгээ сонгох, захиалагчтай санал бодлоо солилцож хамтран ажиллах боломжийг бүрдүүлдэг учраас та бүхэн өөрийн таалалд бүрэн нийцсэн гэрэл зургийн бүтээлийг гардан авах болно. Авагдсан бүх зургийг DVD-нд бичиж өгөх ба хувцас, нүүр будалт зэргийг захиалагч өөрөө хариуцдаг. Шаардлагатай тохиолдолд бид өөрийн хамтран ажиллагч стилист болон нүүр будалт хийх мэргэжилтнийг урьж болох юм. Захиалагч студид хүрэлцэн ирснээс эхлэн цагийг тооцох ба 1 цагийн үнэлгээ нь 80000 төг байна. Гэр бүлийн зураг авалт
Хосын зураг авалт Бид хосын зураг авалт хийх хөнгөлөлттэй үйлчилгээг санал болгож байна. Хосууд энгийн болон гоёлийн гэх мэт өөрсдийн дуртай 3 төрлийн хувцастай ирэх боломжтой. Зураг авалт нь 2 орчим үргэлжлэх бөгөөд хосуудын сонгосон 3 зургийг бага зэрэг засварлан, хамгийн сайн болсон нэг зургийг сонгуулж 20х40 хэмжээ бүхий жаазлан бусад зургийг эх хувиар нь DVD дээр буулган өгнө. Зураг авалтын үнэ: 65 000 төг Мөн та аль нэг сонгосон зургаа хэвлэлтийн үнийг төлж хүссэн хэмжээгээр угаалгах боломжтой. Хүүхдийн зураг авалт Бид хүүхдийн зураг авалт хийх хөнгөлөлттэй үйлчилгээг санал болгож байна. Хүүхдийн зураг авалт нь студид 1 цаг гаруй хугацаагаар үргэлжлэнэ. Та хүүхдийн солих хувцасаа авчирч болно. Сонгосон 5 зургийг засварлан бүх зургийн хамт DVD буулган өгнө. Зураг авалтын үнэ: 45 000 төг Мөн та аль нэг сонгосон зургаа хэвлэлтийн үнийг төлж хүссэн хэмжээгээр угаалгах боломжтой. Хөрөг Хөрөг зураг нь таны зан араншин, дотоод сэтгэлийг илэрхийлдэг билээ. Та ямар ажил эрхэлдэг хэн байхаас үл хамааран мэргэжлийн студид сайн хөрөг авахуулсан байх нь чухал хэрэгцээтэй зүйлийн нэг мөн. Дээр нь та үүний төлөө ялимгүй цаг зав гаргаж бидэнд өөрийгөө сайтар ойлгуулан хамтран ажиллаж чадах юм бол найз нөхөд, төрөл төрөгсөддөө нүүр бардам үзүүлэх, таны имиж төрхийг бүрэн илэрхийлэх сайн зурагтай үлдэнэ гэдэгтээ эргэлзэх хэрэггүй. Хөрөг зураг нь студи болон таны сонгосон газарт 2 цаг орчим үргэлжилнэ. Та өөрийн хамгийн өмсөх дуртай хувцаснууд болон сэтгэл санаа, гоо сайхандаа анхаарах хэрэгтэй. Таны сонгосон хоёр зургийг засварлан бүх эх зургийн хамт DVD буулган өгнө. Зураг авалтын үнэ: 100000-150000 төг байна. Мөн та аль нэг сонгосон зургаа хэвлэлтийн үнийг төлж хүссэн хэмжээгээр угаалгах боломжтой. |
|
|
|
Өнгөрсөн хугацаанд манай агентлагт итгэл найдвар хүлээлгэн дотно хамтран ажилласан байнгын түншүүд болон манайхаар үйлчлүүлсэн бүх харилцагчиддаа баярласан талархсанаа илэрхийлэхийн сацуу цаашид ч та бүхнийхээ итгэлийг улам илүү дааж хамтран ажиллахдаа баяртай байна.
|
|
 Гэрэл зургийн үндсэн ойлголт Photography гэсэн үг нь (phos-light, graphe-drawing буюу “drawing with light”) гэрлээр зурах гэсэн Грек үгнээс гаралтай. Хүн төрөлхтөн эртнээс гүдгэр гадаргуутай шилний гэрлийн үйлчлэлийг анзааран судалж дуран авай болон томоохон талбайд уран зураг зурахад ашиглаж байжээ. |
|